Poetry of Allama Iqbal
This is selected poetry through different books of Dr. Allama Iqbal. Read and enjoy!
Khird ke paas Khabar ke siwaa
Khird ke paas Khabar ke siwaa kuchh aur nahii.n
teraa ilaaj nazar ke siwaa kuchh aur nahii.n
har muqaam se aage muqaam hai teraa
hayaat zauq-e-safar ke siwaa kuchh aur nahii.n
rango.n me.n gardish-e-Khuu.N hai agar to kyaa haasil
hayaat soz-e-jigar ke siwaa kuchh aur nahii.n
uruus-e-laalaa munaasib nahii.n hai mujhase hijaab
ki mai.n nasiim-e-sahar ke siwaa kuchh aur nahii.n
jise qasaad samajhate hai.n taajaran-e-firang
wo shay mataa-e-hunar ke siwaa kcuhh aur nahii.n
giraa.N_bahaa hai to hifz-e-Khudii se hai warnaa
gauhar me.n aab-e-gauhar ke siwaa kuchh aur nahii.n
namaaz-o-rozaa-o-qurbaanii
mohabbat ka junuu.N baaqii nahii.n hai
musalamaano.n me.n Khuun baaqii nahii.n hai
safe.n kaj, dil pareshan, sajdaa bezuuk
ke jazabaa-e-a.ndruun baaqii nahii.n hai
rago.n me.n lahuu baaqii nahii.n hai
wo dil, wo aawaaz baaqii nahii.n hai
namaaz-o-rozaa-o-qurbaanii-o-haj
ye sab baaqii hai tuu baaqii nahii.n hai
Ishq k daam mein phans kar
Qissa-e-daar o rasan baazi-e-tiflaana-e-dil
Iltejaa-e-Arini surkhi-e-afsaana-e-dil
Ya Rab is saaghar-e-lab-reiz ki mai kya hogi
Jaada-e-mulk-e-baqa hai khat-e-paimaana-e-dil
Abr-e-rehmat tha k thi ishq ki bijli ya Rab
Jal gaee mizra-e-hasti to uga daana-e-dil
Husn ka gunj-e-garaan maaya tujhe mil jaata
Tu ne Farhaad! na khoda kabhi veeraana-e-dil
Arsh ka hai kabhi Ka’be ka hai dhoka is par
Kis ki manzil hai Ilaahi mera kaashaana-e-dil
Is ko apna hai junoo(n) aur mujhe sauda apna
Dil kisi aur ka diwaana main diwaana-e-dil
Tu samajhta nahi aai zaahid-e-nadaa(n) is ko
Rashk-e-sad-sajda hai ik laghzish-e-mastaana-e-dil
Khaak k dheir ko akseer bana deti hai
Wo asar rakhti hai khaakistar-e-parwaana-e-dil
Ishq k daam mein phans kar ye reha hota hai
Barq girti hai to ye nakhl hara hota hai
KABHI AA HAQEQAT-E-MUNTAZIR
KABHI AA HAQEQAT-E-MUNTAZIR NAZAR AA LIBAS-E-MAJAZ MAIN
KA HAZAR SAJDA TARAP RAHA HAIN MERI JABEEN-E-NIAZ MAIN
NA BACHA BACHA KA RAKH ESA TERA AAENA HAI WOH AAENA
JO SHIKASTA HO TOO AZIZ TAR HAI NIGAH-E-AAENA SAZ MAIN
JO MAIN SAR BA SAJDA HUWA KABHI TOO ZAMEEN SA AANA LAGI SADA
TERA DIL TOO HAI SANAM AASHNA TUJHA KIA MILA GA NAMAZ MAIN
