The Best Shairy By Iqbal

Sir Muhammad Iqbal was born in Sialkot, Pakistan on 9 November, 1877. He was Poet, philosopher and politician. Dr. Allama M. Iqbal wrote various books in Urdu and Persian. His main theme was recognition of soul and spirit. Some famous books written by him are Bang-E-Dara, Bal-E-Jibreal, Asrar-E-Khudi, Zabur-E-Ajam.

The Best Poetry By Allama Iqbal Part 2

Kia kahoon apney chaman se mai juda kiunker hua
Aur aseere halqa-a-daame hawa kiunker hua

Jaye hairat hai bura sare zamane ka hoon mai
Mujh ko yeh khil’at sharafat ka ata kiunker hua

Kuchh dikhane dekhne ka tha taqaza taur per
Kia khabar hai tujhko ai dil faisla kiunker hua

Hai talab bemudda’a hone ki bhi aik mudda’a
Murghe dil daame tamanna se riha kiunker hua

Dekhne wale yehan bhi dekh lete hain tujhe
Phir yeh wada hashr ka sabr aazma kiunker hua

Husne kamil hi na ho is behijabi ka sabab
Wo jo tha pardon mai pinhan khudnuma kiunker hua

Maut ka nuskha abhi baqi hai ai wirde firaq
Charagar deeewana hai mai ladawa kiunker hua

Shamm-e-mehfil ho k tu jab soz se khaali raha
Tere parwaane bhi is lazzat se be-gaane rahe

Rishta-e-ulfat mein jab in ko piro sakta tha tu
Phir pareshaaN kiyuN teri tasbeeh k daane rahe

Shauq-e-be-parvaa gaya, fikr-e-falak-paimaa gaya
Teri mehfil mein na diwaane na farzaane rahe

Wo jigar-sozi nahi, wo sho’la-aashaami nahi
Faaida phir kya jo gird-e-shamma parwaane rahe

Khair, tu saaqi sahi lekin pilaaye ga kise
Ab na wo mai-kash rahe baaqi, na mai-khaane rahe

Ro rahi hai aaj ik TooTi hui meena usey
Kal talak gardish mein jis saaqi k paimaane rahe

Aaj hain khaamosh wo dasht-e-junooN-parvar, jahaaN
Raqs mein laila rahi, laila k diwaane rahe

Waaye na-kaami, mataa-e-kaarvaaN jaata raha
KaarvaaN k dil se ehsaas-e-zyaaN jaata raha

mumkin hai ke tu jisako samajhataa hai bahaaraaN
auron kii nigaahon mein wo mausam ho KhizaaN kaa

hai sil-silaa ehawaal kaa har lahajaa dagaraguuN
ae saalek-rah fikr na kar suudo-zayaaN kaa

shaayad ke zamiN hai wo kisii aur jahaaN kii
tuu jisako samajhataa hai falak apane jahaaN kaa

uTTho merii duniyaa ke Gariibon ko jagaa do

Khaak-e-umaraa ke dar-o-diivaar hilaa do

garmaao Gulaamon kaa lahuu soz-e-yaqin se
kunjishk-e-phiromaayaa ko shaahiin se laraa do

sultaanii-e-jamahuur kaa aataa hai zamaanaa
jo naqsh-e-kuhan tum ko nazar aaye miTaa do

jis khet se dahaqaaN ko mayassar nahii.n rozii
us Khet ke har Khoshaa-e-gundam ko jalaa do

kyon Khaaliq-o-maKhaluuq mey haayal rahein parde
piiraan-e-kaliisaa ko kaliisaa se haTaa do

main naaKhush-o-bezaar huuN mar_mar ke silon se
mere liye miTTii kaa haram aur banaa do

tahaziib-e-naviin kaar_gah-e-shiishaagaraaN hai
aadaab-e-junuuN shaayar-e-mashriq ko sikhaa do